قال منجي الرحوي إنه “من حق شعب تونس يخرج ويفرح ويحتفل بالذكرى الأولى لسقوط حكم الاخوان واتباعها…”.
وفي التالي فحوى تدوينة الرحوي:
تتذكرو العام اللي تعدى يوم 25 جويلية الناس اللي تليعت من حكم النهضة وجماعتها هبطو للشارع منتفضين في كل انحاء تونس…واللي تفتحتلهم أبواب الموت في كل دار وحومة وقرية وعايلة…وقتها الجشعين عندهم زوز مطالب …حكومة سياسية لتوزيع
الكعكة…والتعويضات اللي طلبهم رئيس مجلس شورى تنظيم الاخوان…ياخي جا النهار…عيد الجمهورية وذكرى اغتيال خونا ورفيقنا الشهيد محمد البراهمي… 25 جويلية اللي تعدى شعب تونس فرح …وخرج وعبر على فرحتو لسقوط حكم الاخوان وحلفائهم…
السنة هاذي في 25 جويلية الجاي… يكمل كل مواطن يمارس حقو في التعبير على رايو بكل حرية…يتسكرو مكاتب الاقتراع مع العشرة متع الليل ومباشرة نعاودو نخرجو…نخرجو باعلامنا…علم تونس الرائع والجميل…ونغنو كلنا حماة الحمى…
نغنو انتصار تونس ضد جلاديها…وبائعي الأوطان…من حق شعب تونس يخرج ويفرح ويحتفل بالذكرى الأولى لسقوط حكم الاخوان واتباعها…
المصدر : الصباح نيوز
