معاذ بن نصير: ”مشكلتي معاهم أعمق ببرشا…بعد سنين مانلقاش طبيب يداويني”
علّق المختصّ في علم الاجتماع معاذ بن نصير، اليوم الجمعة 8 ديسمبر 2023، على تفاقم ظاهرة “صانعي المحتوى” والذين تجدهم على مختلف مواقع التواصل الاجتماعي.
وكشف بن نصير، عن الأسباب الرئيسية التي جعلته ينتقد هؤلاء خاصة بعد تصريحاتهم المثيرة.
وقال: ” نوضّح في كلمتين كالعادة مش في فيديو متاع نص ساعة وما تفرّج فيه حد…
مشكلتي مع هالجماعة متاع التيك توك والانستغرام المؤثرات واكيد بين قوسين، أعمق برشا من لغة غاير منهم وحاسدهم.
مشكلتي معاهم هي مشكلة مجتمعية ثقافية تربويّة بالأساس…
مشكلتي مع كل ماهو الربح السريع وبدون أي مجهود بدني أو نفسي…
مشكلتي معاهم مشكلة رؤية مجتمعية ونموذج مجتمعي يقوم على ثقافة اللاعمل والتواكل والربح السريع وإلي يخليو صغارنا يتأثروا بيهم…
مشكلتي معاهم مشكلة سوسيولوج قاعد كل نهار يشوف في الجيل الجديد آخر همه القراية وإلا النجاح وإلا يتعلّم صنعة وإلا يحاول يبدل الواقع متاعه بذراعه وبالخدمة…
مشكلة صغارنا إلي قاعدين يشوفوا في هالجماعة على اساس انهم ناجحين وعاملين برشا فلوس بأسهل الطرق ويحبو يوليو كيفهم…
مشكلتي مع صغار كيفاه باش انجم انا كوليّ نشجعوا عالقراية وعلى الارتقاء في السلم الاجتماعي بفضل دراستك والا صنعتك..
مشكلتي كي نشوف الاف والاف من شبابنا خريجي الجامعات التونسية من دكاترة وغيرهم ضاربتهم البطالة وفي المقابل هالجماعة يخرجوا على شبكات التواصل الاجتماعي ويضحكوا على الجامعيين بتعلة شنو عملت بيها قرايتك…
مشكلتي بعد سنين مانيش باش نلقى طبيب نداوي عنده والا معلم يقرّي ولدي ، والا فلاح ياكل ويوكلني … مانيش باش نلقى ركائز المجتمع الي اتنجم تبني عليهم دولة … باش تلقى فقط جماعة التيك توك والانستغرام يبيعو في الريح للمراكب…
أسألوا صغاركم شنو يحبوا يوليو كي يكبروا تو تجيكم صدمة…
ماللخر مشكلتي معاهم اعمق برشا من بعض القراءات السطحية.”
في نفس السياق
آخر الأخبار
المصدر : تونيسكوب
