كشفت الفنانة رحمة حسن عن مهاجمة كلب لها، وعضها في منطقة “حساسة”.
وقالت رحمة حسن عبر حسابها على Instagram إنها كانت تسير في الشارع بجوار منزلها مساء أمس، حين غافل كلب صاحبته وقفز ليهاجمها ويعضها محدثا جرحا عميقا في جسدها.
وأوضحت: “امبارح الساعة 11 بالليل كنت نازلة أجيب حاجة من السوبر ماركت جمب البيت، كنت ماشية علي الرصيف وكان في عربيه بتركن جمبي عادي، فجأة الباب اتفتح ولقيت كلب جيرمن شيبرد بيهجم عليه بكل قوته”.
وتابعت رحمة حسن: “طبعا حاولت أجري لكن للأسف الكلب كان قوي وشرس ووقعني علي الأرض، حاولت أقوم وأجري وصاحبته حاولت تشده، بس فك الليش بتاعه وعضني عضه كبيرة وغويطه بنابه في منطقة حساسة”.
وأضافت: “صاحبة الكلب كتر خيرها أخذتني فورا علي مستشفي إمبابة، أدوني حقنه تطعيم الكلب ولسه فاضل لي 4 هاخدهم خلال شهر، بس المشكله أن من امبارح الجرح بينزف دم كتير، وأنا طبعا خايفه ومصدومة وتعبانه وعندي تروما من امبارح والي واجعني أكتر أني مَش عارفه اتصرف إزاي، خصوصا أني أكيد مَش عايزه الكلب يتاذي، بس كمان مَش عايزه أي إنسان كمان يتاذي ويتعض ويتبهدل في الشارع زيي”.
يذكر أن رحمة حسن شاركت مؤخرا في مسلسل “ملف سري” الذي تم عرضه خلال شهر رمضان الماضي، وهو من تأليف محمود حجاج، إخراج حسن البلاسي، وبطولة هاني سلامة، عائشة بن أحمد، نضال الشافعي، ماجد المصري، إدوارد، محسن محي الدين، محمد محمود عبد العزيز، دينا، دنيا عبد العزيز، مادلين طبر، كارولين عزمي وصبا الرافعي.
المصدر: في الفن
المصدر : الصريح
