مسؤول بقطاع النزل: ”الحريف التونسي مايعجبوش العجب”
“أصعب حريف قابلتو في حياتي الكل هو الحري التونسي”، هكذا بدأ أسامة الشمسي، تدوينته على حسابه الرسمي “فيسبوك”.
وقد كشف أسامة وهو مسؤول بقطاع النزل، عن سلوك الحريف التونسي الذي يتميّز بالاستهتار وعدم الجدّية، عكس السائح الأجنبيّ.
وتحدّث الشمسي عن سلوك الحريف التونسي انطلاقا من دخوله النزل مرورا بالإقامة والتمتع بمختلف الخدمات، وصولا الى موعد المغادرة الذي يتميّز في اغلب الأحيان بالتأخّر وترك الغرفة مبعثرة.
وقال في تدوينته: “التونسي في الوتلة…
حبيت نحكيلكم على تجربتي موش كحريف فى الوتلة اما كمسؤول و بحكم خبرتى المتواضعة أكثر من عشرين عام و فى وتلة و وكالات اسفار معروفة و عندها اسمها فى تونس.
اولا الحق يقال أصعب حريف قابلتو فى حياتى الكل هو الحريف التونسي ميعجبوش العجب و يموت على الانتقاد و كان تعطيه غرفة أرضية يقلك نحبها الفوق و كان تعطيه غرفة الفوق يقلك نحب اللوطة. يعملréclamation يحب يدخل للبيت من 10 متع الصباح و كيف ايجى خارج يمشى للبحر و اخليك تلوج عليه و يخرجلك الخمسة متع العشية. و لآخر يحب يدخل إلى بيتو و يبدأ اعيط و هو موش فاهم إلى هى غلطة حريف كيفو و إلى هو خرج مخر. مانغير منحكيو على الغرف كيفاش اخليها الماء يعرضك للباب. بربي كيفاش تحبوfemme de chambre تخدمها مليح و هو خرج مخر و عندها وقت مربوطة بيه و كيف هو يخلي البيت فى حالة كارثية تولى تشدها اكثر وقت و كان ضغطو عليها بالطبيعة بسبب الحريف الى اعيط و اصيح باش تبلفطها وهنا تجى les réclamations و اغلبية الحرفاء التوانسة مع احترامى للبعض بالطبيعة موش الكل لازم يخبي المناشف و يقول معنديش و اخبىshampooing وgel douche و يقلهم محطوليش و بعد يهبط اعبيلك الماكلة أنواع و أشكال و الصحن مكوم كان حتى باش يأكل صحة. الكل حاشاكم يمشى فى الزبلة و زيد متكبرين برشة و كيف يطلبو حاجة بنطرة و كشة الحقيقة انا زادة تونسي اما السياح ميعملوش هكة و كيف تدخل إلى بيتdépart صدقونى تقول ما راقد فيها حد على ماهى نظيفة و تلقىcadeau و تلقى الضحكة و الكلمة الطيبة.
مختصر كلامى خافو ربي فى هاك الخدامة الزواولة إلى صيف كامل محرومين من العروسات والبحورات وجدهم منحى و راهو تنجمو بكومنتار تقضيلو على مستقبلو. الله غالب رانا بكلنا عيوب والمتفرج فارس. حاولو تتمتعو بالعطلة ومتلوجوش على التفاهات و اعملو جو و وتيل معجبكش ما عادش تمشيلو.”
في نفس السياق
آخر الأخبار
المصدر : تونيسكوب
