قصة واقعية حدثت في تونس، لن تتمالك نفسك عند قراءتها
قصة اليوم حقيقة، حدثت في تونس وبطلها طفل صغير أدهش التونسسين بحبه للمسرح وبشهامته في الوصول إلى ما يحبه.
نترك القصة كما روتها من عاشتها :
قصة وقعت وأنا انبيع في التذاكر حبيتها على اللخر ..وباش تشاركوني فاها…
واقفة أنا ومديرة دار الثقافة يجي طفل عمرو قرابة 10سنوات ..قالي بقداش التذكرة ..قتلو مرتضى ماعادش ..قالي لا هذيكة المرى وبناتها ..ضحكت قتلوتعرفهم ..قالي آيه نتفرج فيهم وانحبهم ….باهي قتلو برة جيب امك خلالها تقصلك..قالي لا امي موش مهتمة بالمسرح وأنا انحب المسرح…انحب الشخصيات هاذم…وانحب انقص تذكرة وانجي بقداش هي…
قتلو برة مال جيب بوك أنت صغير ما تنجمش تدخل في الليل وحدك قالي بابا مسافر وأنا انحب المسرح…..
كلمة انحب المسرح قداش عجبتني …..
الطفل راكز واثق من شخصيتو..
قتلو المديرة. كان باش تجي أنا نعطيك تذكرة وتدخل..خاطرك تحب المسرح
قاللها لا ماتعطنيش وما انحبيش تذكرة بلاش ….انحب نشري …..أنا انبيع في المشامم وعندي الفلوس …..
عنقتو وبستو ….أبيع في المشامم..واحب بفلوسهم يدخل للمسرحية . .❤️❤️❤️😘😘😘😘
. بارشة كبار الى الوجو على التذكرة بلاش يلزمهم يتعلمو منو ….
بارشة حب للطفل هذا ♥️♥️♥️♥️
الدروس ما تتقاسش بالعمر تتقاس بالوعي …
ولذة الاشياء انك تتمكن منها بالشقاء والتعب….
الطفل صغير وواعي باهمية انك تشري حاجة بفلوسك …تعرق علاها….
قداش كبر في عيني…وخلاني انقول هذا الجبل الى يلزمنا نخدمو عليه….
ومن اجل هذا الجبل سنواصل 💐🇹🇳🇹🇳🇹🇳🇹🇳
مع العلم أنا بالصدفة القيتو في المسرح يتفرج على مرتضى وراشق مشموم فل في وذنو 💐🤩
ايجاو المسرح الليلة الناس الكل حبا في المسرح .للتخفيضات موجودة وعمرها ما كانت غايتنا التجارة غايتنا تنشيط المدينة فقط كان حالفنا الحظ و افضلنا شوية للعودة المدرسية ما فماش الله غالب …المهم أنتوما ايجاو وتمتعو….. …
في نفس السياق
آخر الأخبار
المصدر : تونيسكوب
