”عركة” حول برنامج التذكرة الأخيرة …مالقصة ؟
أثير مؤخرا جدال حول برنامج ”التذكرة الأخيرة” الذي بثته القناة الوطنية في السنوات الماضية و الذي حقق انذاك نجاحا كبيرا .
و حسب المعطيات فإن صاحبة فكرة برنامج التذكرة الأخيرة فاتن تعريت كانت قد توجهت برسالة شديدة اللهجة ضد قناة التاسعة اثر اعلانها بث برنامج مثل التذكرة الأخيرة من تقديم الصحري البحري .
و خلال استظافتها على قناة قرطاج + قالت فاتن تعريت ” مافما حتى مشكل مع صحري بحري ، أنا كان عندي خبر إلي فما مشروع متاع برنامج التذكرة الاخيرة وفما شكون قالي راهو باش يتصلو بيك ووصلني الخبر …
البرنامج مقيد باسمي وحقوقي وكنت ننتظر انهم باش يكلموني وهوما تعطلوا ماكلمونيش ووصلني الخبر أنو باش يخدموه منغير استشارتي .. ياخي هو خرج وقال كذا وكذا ، أنا ماكلمتوش جملة وأنا تاغيت قناة التاسعة وقلت هذا برنامجي .. هو كان فقط جابلي دليل ،
أما لحكاية هذي بكلها زوبعة في فنجان لأنو القناة كلمتني وقالولي كنا باش نكلموك وهو برنامجك ونحبوك تكون معانا ، هوما عيطولي باش نشرف على الإنتاج متاعو وطلبوا مني نظهر في البرنامج ولكن مشكلتي موش في الظهور بل أنو البرنامج يحافظ على نفس الكونسابت …
قلتلهم في التيزر إلي صوروا صحري بحري ديجا وهو يدعي أنو موش التذكرة الاخيرة وينطلق بالجينيرك القديم .. قلتلهم خلي نستغلو إلي صار في تسويق البرنامج ، يلزم نكونوا محترفين وماعندي معاه حتى مشكلة … الناس تغششت عليه وللأسف تطاولو على والدتو شي يؤسفني وماعندي حتى دخل ، نشكر القناة لأنهم طلعوا في المستوى ومحترفين كلموني وتفاهمو معايا … تفاهمنا باش نكون مشرفة على إعداد البرنامج”
و يشار إلى أن قناة التاسعة كانت قد أعلنت عن بثها لبرنامج شبيه للتذكرة الأخيرة في رمضان 2023.
في نفس السياق
آخر الأخبار
المصدر : تونيسكوب
