كتب: سلامة حجازي
اللي يقلقني موش كيفاه تكون مع الظلم فقط…اللي يقلقني كيفاه انك تنّظر للظلم….وكيفاه تتقرب مالظالم….وكيفاه تلمع صورة الظالم…وانت حاسب روحك حقوقي….ومناضل….ومعارض للظلم والاستبداد ….
والأفظع انك تكون استاذ جامعي….او حتى استاذ محاضر…او حتى استاذ مساعد او حتى مساعد بسيط لا تبل لا تعل…واللي يقلقني اكثر انك تخرج للتلفزة وتعمل فيها صيد بوقلادة والعالم بالشاردة والواردة….واحنا نعرفوك شنوة تاريخك وشنوة تحب وعلاش تعمل في هذا الكل…
واللي يبهتني ويضحكني هو كيف نسالوك علاه تعمل هكه….تقول ” ماهو خلصنا مالنهضة واللي معاها….” …نحب نقلك فقط….غدوة الدور باش يكون عليك وهذا مؤكد…
زعمة تلقى شكون يدافع عليك…نحب نقلك في الاخر…تونس موش النهضة والا قيس سعيد والا اي حزب سياسي والا اي رجل سياسة…تونس وطن ماتت نساء ورجال وتيتموا صغار وجاعوا قبائل وعروش وتخربت ديار باش يحرروه…
ورد بالك تقول فلان ولى نهضاوي….لو كان كنت نهضاوي موش باش نحشم منك ومن امثالك…انا تونسي خدم بلادو اكثر مللي انت تتصور واسأل الرجال تعرف الرجال…اما نفكرك فقط وقت اللي النهضة تحكم… تحكم …وتضرب في بعضكم بالسوط وانتو من لحية للحية….انتو وينكم وين تخبيتوا زعمة….اما انا اسألهم تو يقولولك….يا علج…
المصدر : الصريح
