باحث في علم الإجتماع لنضال السعدي: ”ما فيها باس كي ترتّح وجهك شويّة ”
علّق الباحث في علم الإجتماع معاذ بن نصير، اليوم الاربعاء 29 مارس 2023، على ظهور الممثل نضال السعدي في مسلسل “فلوجة”.
واعتبر بن نصير ان الجمهور التونسي “قلوقي”، وانه لا يحبّذ رؤية نفس الوجه دائما.
وقال في تدوينة على حسابه الرسمي “فيسبوك”: “كي قلنا سابقا راهو نضال السعدي أُستهلك وأُستنزف ، قلتو كيفاه!!!
شخصيا نشوف إنو معادش عندو ما يُضيف عالأقل في الفترة هاذي…
إنك تكون حاضر ولمدة سبع سنوات متتالية وفي نفس الدور وفي نفس القالب حاجة ما تخدمكش بقدر ماهي تضرّك…
تمنيت لو كان “قناتك” ما لحقتكش لحوق في مسلسل الفلّوجة وخلات الدور لأي ممثل آخر ينجم يفيد العمل أكثر منّك…
شخصيا نعتبر وجوده في المسلسل باش يضر العمل أولا وباش يضره هو ثانيا…
ما فيها باس كي ترتّح وجهك شويّة . الجمهور التونسي قلوقي برشا … والبعض من الجمهور قلق وفد من “أعمالك الدرامية” …
أكبر الممثلين العالميين ياخذو فترة يرتاحو شوية ويبعدو ويقعدو مع رواحهم ويعملو مراجعات لرواحهم ولأعمالهم ويدرسو خطواتهم الجاية…
“زر غبًا تزدد حبًّا” …
في نفس السياق
آخر الأخبار
المصدر : تونيسكوب
