اعتبر الناشط السياسي حاتم المليكي في برنامج ”ميدي شو” اليوم الخميس 20 أكتوبر 2022 أن الإجراءات التي تم اتخاذها حول فرض المراقبة القبلية على عدة منتجات استهلاكية صحية وصناعية وغذائية وغيرها، هي مثال يعكس ضعفا في الكفاءة في إدارة الشأن العام.
كما اعتبر أن حرص السلطات على صحة المواطن يقتضي فرض مراقبة على السوق الموازية والتهريب، قائلا ”إخدم على السوق الموازية إذا إنت خايف على صحة المواطن..”
واعتبر أيضا أن السعي نحو تطوير الميزان التجاري باتخاذ إجراءات مماثلة يتطلب التشاور مع الشركاء ”لا وضعهم أمام الأمر الواقع”، وفق قوله.
وأضاف ”حتى النقاش العام في البلاد ماعادش عقلاني ورزين متع ناس إدافع على مصالحها.. نحبو بلادنا يسيّروها عباد تسيير حقيقي.. وقرارات الاتحاد الأوروبي والاتحاد الافريقي ولجنة البندقية… بش نخلصوها نهار من النهارات.. انت أعمل اللي تحب وهوما زادا تو يعملو اللي يحبو..”
وفي موضوع متصل، انتقد المليكي أداء رئيس الجمهورية قيس سعيد، قائلا ”إذا كان قيس سعيد متصور باش يربح في المعركة متاعو.. راهو باش يربح تونس.. باش يدڤدڤها.. فخرة التونسي تكسرت.. وصورة الطفلة اللي حرقت لايطاليا وحدها ضربت صورة التونسي ونظرتو لروحو..”
كما خاطب المليكي رئيس الجمهورية قائلا ”نعطيوك قصر فيه 60 بيت و30 مليون و3 آلاف أمن رئاسي.. باش تسبنا بيهم؟ هذا ما قالش بيه ربي…”
المصدر : موزاييك ف م
