ألفة يوسف : ”كلّ عام تتعاود نفس الأغنية متاع فلوس الحجّ ..آما تعلّم ما تتدخّلش”
علقت الكاتبة التونسية ألفة يوسف على الجدل الحاصل حول ارتفاع تسعير الحج لهذا الموسم والمقدرة بـقرابة الـ20 مليون.
و في هذا السياق نشرت ألف يوسف تدوينة على صفحتها الرسمية الفايسبوك مساء أمس الثلاثاء 17 ماي الجاري جاءت كالتالي :
”كيف مشيت للحجّ في آخر 2006، كان سومه فوق ال5 ملاين ، وكانت أرخص كرهبة جديدة في تونس بتقريبا 11 وإلا 12 مليون…اليوم الحجّ بقريب ال20 مليون، وأرخص كرهبة (موش شعبيّة) بقريب ال40 مليون…
ما تبدّل شيء…علاش نقارن بالكراهب؟ على خاطر هوما زادة بالعملة الصّعبة…
كلّ عام تتعاود نفس الأغنية متاع فلوس الحجّ وممكن تبني بيهم مستشفى وإلاّ مدرسة…إيه آشكون شدّك؟ ابني اللي تحبّ…آما تعلّم ما تتدخّلش في شؤون غيرك… كلّ واحد حرّ في حياته وآش يعمل بفلوسه…يا سيدي يحبّ يربح “وهم” الجنّة وإلاّ “وهم” راحة البال…إنت آش حرق شعيرك؟
كيفما ندافع على حرّية الميل الجنسيّ للرّاشدين، ندافع على حرّية الحجّ للي يحبّ ويرتّحه (إن شاء الله يبيع اللي وراه واللي قدّامه: أموره)…
هذا لا ينفي أنّه الدّينار التّونسيّ ولّى ما يسوى شيء…وأنّه سوم الحجّ في تونس أغلى سوم في البلدان المغاربيّة، وأنّه ندعيو لربّي يستر بلادنا من اللي جاي…”
في نفس السياق
آخر الأخبار
المصدر : تونيسكوب
