هكذا علّقت أسماء بن أحمد على غناء ابنتها مع لطفي بوشناق في قرطاج
علقت الفنانة أسماء بن أحمد على غناء ابنتها مع الفنان لطفي بوشناق في حفل لفتتاح مرجان قرطاج الدولي ليلة أمس.
ودوّنت بن أحمد على صفحتها مستعرضة ذكريات لها مع لطفي بوشناق وهي لا تزال في بداياتها في المعهد العالي للموسيقى، وقالت “مرة وأنا صغيرة مزلت مابديتش كاريار أول مرة يسمعني سي لطفي سنة أولى في المعهد العالي للموسيقي .. عمري ماننسى غزرلي في عيني وقالي تحب تحترف وتولي فنانة تبعني ونعاونك … الحقيقة قعدت دييما نحسو سند حتى لو بكلمة باهية وإيمان وجمعتنا برشة فرص وحفلات وديما كنت نكون فخورة كيني أول مرة … اليوم الاحساس غير والطعم مختلف مايتوصفش منيش مصدقة الي غلولة هي الي غنات معاه المرة هذه وشد بيدها في حفل كبير ومهم على ركح قرطاج يعني الدعم قعد مستمر وانشالله يزيد يدوم ….لطفي بوشناق ربي يعطيك الصحة ويخليك لعايلتك الي دايرين بيك عايلتك الصغيرة وجمهورك الي فاض البارح عالمسرح البارح نسمع في الغنايات وتنوع المواضيع والانماط مسيرة تتقرا وفنان استثنائي”
وتوجهت بالكلام في ذات التدوينة لابنتها قائلة”غاليتي الغالية غالية منجمش نوصف احساسي الي لتو لافهمتو ولا نجم نعبر عليه نقلك برك نحبك وفخوورة بيك قد الدنيا قطعة مني ضوات المسرح البارح وضوات قلبي”، كما توجهت بالشكر لكل عائلة بوشناق “على تتويج خمسين سنة فن بهذا الجمال” في إشارة إلى عرض ليلة أمس.
في نفس السياق
آخر الأخبار
المصدر : تونيسكوب
