إلهام شاهين: والدي توفي وهو غير راض عني
كشفت الفنانة الهام شاهين العديد من أسرار “مواقفها المثيرة للجدل” سواء في حياتها الخاصة، أو مسيرتها الفنية، واعترفت بأنها غير نادمة على قرارها بعدم الإنجاب، وموقف والدها الراحل منها، كما تحدثت عن تقييمها لأفكار الإعلامية ياسمين عز، وكشفت أسباب البحث عن موضوعات فنية تثير حفيظة بعض فئات المجتمع.
إلهام شاهين اعترفت بوضوح بأنها لم تكن على قدر مسئولية الأمومة، ولهذا قررت عن اقتناع “عدم الإنجاب”، وقالت خلال حوارها مع برنامج “كتاب الشهرة”: راضية عن هذا الأمر، أنا مش قد المسئولية وعايزة أعيش حرة وعايزة أعيش لفني، الفن بياخد وقتنا كله.
وتابعت: احنا بنشتغل بالعشرين ساعة، امتى الواحدة تمارس أمومتها وتاخد بالها من أولادها، لازم يبقى فيه اختيار، والواحدة متقدرش تاخد كل شيء من الدنيا لازم يبقى فيه اختيار وأنا اخترت ومعنديش ندم أبداً».
إلهام شاهين: أمارس الأمومة مع أخواتي
وأوضحت: الأمومة عطاء وتضحية وممكن أمارسها مع أخواتي وأولاد أخواتي وأصحابي المقربين يكون عندك عطاء وتضحية، ومش لازم يكون أولادي.
إلهام شاهين: والدي توفي وهو غير راض عني
وقالت إلهام شاهين: والدي مكانش راضي عني لآخر وقت، لأني كل ما أتعرض لمشكلة في الفن يتأكد أنه كان عنده حق عندما رفض دخولى مجال التمثيل، وكان دايماً يقول لي كده، وفي آخر أيامه كان مريضاً وحصل له تليف بالكبد، وآخر حاجة كان رفض الأكل، والدكتور قال لي حاولي تأكليه واداني جيلي، لما حاولت أؤكله رفض وزقه في وشي ووقعه على هدومي، واضايقت لأنه وقع على لبسي، بابا عنيد جداً، وأنا واخدة منه الصفة دي.
في نفس السياق
آخر الأخبار
المصدر : تونيسكوب
